陳豪破格元宵 吟詩冧女友

陳豪、葉翠翠、黃德斌、金剛和韋家雄等，昨日在尖沙咀一間酒店為劇集《4 in Love》宣傳。熱戀中的陳豪竟不知昨日是元宵，他笑說：「我淨係準備緊情人節嘅嘢，咁講我今晚都要做啲嘢，今晚要做住一半先，怕佢情人節無晒驚喜。（整湯圓？）我要破格啲，吟詩。（送花？）男仔送花好正常，代表心意。」

讚林峯夠浪漫

問陳豪是否浪漫？他說：「講浪漫係林峯，但我都肯花心思氹人嘅。（整心形牛扒？）太多人做我唔做。（花形牛扒？）哈哈，好喎，應該無人做過。」

陳豪與女友陳茵媺感情發展穩定。（資料圖片）

葉翠翠多年元宵佳節都是一個人過。

同場葉翠翠透露已經很多年元宵佳節一個人過，笑言就算緋聞男友高鈞賢和韋家雄相約亦不為所動，她說：「留喺屋企算罷啦，我開咗紅燈㗎嘞，事業為重。」

韋家雄餵葉翠翠時一副冧樣。

黃德斌曾被同性戀朋友抽水。

黃德斌遭抽水

同場，黃德斌被問到網上預爆劇情，指他被劇中的鄧梓峰暗戀和撩肚皮，他回應說：「角色講我哋識於微時，撩肚皮都好正常，有啲嘢唔係話撩吓就會起。現實中我都有啲同性戀朋友話鍾意我。（撩過你？）咁抽吓水都有嘅。」

文：影視組