曾與城中「筍盤」陳豪拍拖的藝人廖碧兒（Bernice），雖然感情生活未有着落，但她慶幸仍活得豐盛。近日，Bernice迷上now海潤台（105台）播放的《盛女時代》，貪其完完全全道出了時下女強人的心聲。
自與陳豪分手後，Bernice的感情生活令人擔心，雖然一度盛傳她與富二代林忠豪過從甚密，但戀情傳了不久便殺出「程咬金」莊思敏，之後便再沒有聞說Bernice有新感情。「皇帝唔急太監急」，Bernice本人對感情事其實一點也不緊張，對於她來說，到了這個年紀仍能獨身反而別有一番滋味：「感情嘅嘢我順其自然，其實我依家嘅生活都好豐盛，舊年啲Job都接到年廿九，仲想點？最緊要仲有家人、朋友同粉絲支持我，呢啲先係我嘅動力。」
談到目前的感情生活，Bernice認為now海潤台（105台）近日播放的《盛女時代》，完完全全說出了她的心聲：「一直都知內地劇寫實，估唔到呢套真係咁到肉，個女主角雖然第一段婚姻生活唔愉快，但佢好快重新上番軌道，仲有其他追求者添……套劇真係講出咗好多時下女強人嘅心聲，就係唔一定要靠男人，自己一個都可以活得好精彩，我覺得啲劇情好啱Feel，依家晚晚都追！」Bernice又指很欣賞「盛女」這個名詞：「我覺得用『剩女』形容仲未嫁得出嘅女仔好負面，『盛女』好好多！我當初都係畀個名吸引，想知道咩叫盛女。」
文：影視組