婷婷鋒芝復合唔使操心

謝婷婷昨日現身時裝活動，被問到哥哥霆鋒與栢芝食團年飯？她坦言自己冇份，也沒有被邀請，對於鋒芝復合有所保留，她說：「我冇問佢，我知道佢有睇囝囝，最近佢喺香港，有時間就去睇，不過大部分時間栢芝都唔喺度。」及後更大爆霆鋒近排愛做「煮」家男，笑說：「佢好鍾意煮嘢食，煮西餐畀爸爸、媽媽同我食，佢都煮得幾叻。」

張栢芝、謝霆鋒	JM被指同性戀，覺得幾好笑。	周倩圯與郭慶彬一齊現身時裝騷。

當記者直問她想不想二人復合？婷婷不加思索地回答：「由佢哋一齊到分開，我哋三個都唔會討論呢個問題，尤其是哥哥性格好獨立！」她又透露自己在新年期間有探過姪兒，笑說：「佢哋仲喺度學Michael Jackson跳舞，總之好開心。（會唔會小朋友覺得少見爹哋？）我真係唔知！」她又表示情人節未有計劃。

Amanda出席活動大派利是。

李桂蘭出席時裝活動。

JM唔抗拒畀女追

同場的還有Janice Man（JM）、李桂蘭、周倩圯、郭慶彬等出席，JM對有傳她與電影《大追捕》的女副導演撻着，她笑言：「你哋好心急幫我搵另一半，之前傳過我唔識嘅人，依家又傳我嘅朋友，我覺得話我係同性戀幾好笑。（你接唔接受到同性戀？）我冇呢方面傾向，但唔會特別抗拒或反感，亦從未畀同性追求。」對於老闆娘樂基兒先後傳出有孕及流產，她稱不知情：「流產唔可以亂講，有咗係開心事，如果係真，佢會同大家分享。」

Amanda未想生B

而Amanda S.表示今年是婚後首次派利是，還封了六位數字利是，她說：「我知香港習俗第一年結婚要派雙封利是，但台灣習俗冇呢回事，而且我都覺得唔環保！」她又表示生意穩定才打算生龍B，現未有好消息公布。

文：名人組