阿Sa調理身體生三個

蔡卓妍昨日出席時裝活動，被記者問堪輿學家指她在龍年有機會秘婚，她表示自己今年沖太歲，會有好多變動，她說︰「我睇報紙知點樣化解，只要移動一啲大型傢俬就可以化解。」及後記者再追問她會否秘婚？她說︰「秘過一次仲秘！（即係下次會明婚？）我希望會係！」剛剛與男友去完旅行的她被問到是否感情大躍進？她直認不諱︰「都OK！（計劃結婚？）未咁快！其實感情公開咗就算行街、食飯，甚至去旅行都唔會有負擔，呢個moment好自由，想享受下先！（幾時生仔？）未咁快！我都未到高齡產婦，三十五歲啦！」

情人節工作

至於會否接受未婚產子？她直說︰「依家時下好流行，但我希望結婚先享受二人世界，先再有BB！（預備生幾多個？）睇相話我最多生三個，我希望係真，我好擔心自己唔知得唔得，因為我身體唔係咁好。（咁你要調理下？）係，我會！」阿Sa又透露情人節會在工作中度過，問到會否提早慶祝？她說︰「唔知！」

阿Sa享受與陳偉霆拍拖的時間，暫無意結婚。（資料圖片）

周麗淇會優先考慮與ＴＶＢ續約。

優先續無綫

另邊廂的周麗淇被問到最近無綫花旦與小生均跳槽一事？她表示冇人直接打電話畀自己，現在與TVB還有合約，她說︰「無綫都畀好多機會唔同角色我，大家都合作愉快，TVB會優先考慮。」至於情人節如何慶祝？她表示在工作中度過︰「無綫對我好好，已經收到通告，當日要拍劇，由十四日拍到十五日，可能知我單身，到時大家唔使問我點慶祝。」