郭秀雲反對藏獒當寵物
熱愛動物的郭秀雲（Sharon），可說是一位動物專家。被問到是否了解黃貫中所養的西藏獒犬，Sharon即謂藏獒是危險動物，不適合做寵物，但不忘大讚說：「藏獒係非常好嘅狗，係屬於高山地帶嘅工作犬，應該留喺高山看守羊群，保護主人，所以唔係太適合做寵物。」
Sharon現養野性難馴的非洲山貓與豹貓混合體的Zuka，她表示Zuka要到漁護處攞牌才可在港飼養，被問全港是否唯一一隻這品種的貓？她說：「我兩年幾前申請時係，依家就唔知。（係咪好難養？）佢當初未搞清楚雙方關係，Zuka好惡，所以要花好多時間、心機畀佢，如果出街我會用車仔推佢，或者放佢入袋，但要將拉鏈拉實，但當然要有空氣流通，如果去啲冇乜人嘅地方，先會拖住放佢出嚟行。」