蔡淇俊剃光頭夠Man
無綫藝員蔡淇俊最近為客串劇集《大太監》「引刀一快」，但並非做太監，而是剃光頭。入行後第三次做光頭仔的阿俊笑言感覺涼浸浸，幸獲讚光頭好睇：「有人讚我個頭圓，幾適合光頭，係比十年前第一次剃光頭好睇好多，當時又瘦又奀，自己都接受唔到，依家感覺Man啲。」他直言頭髮向來濃密兼生得快，故不怕剃頭剃得多會甩髮。
在劇中演戲子的阿俊與妃子李詩韻有一段情，但礙於身份關係未能開花結果，他表示不乏表演京劇的劇情，故要狂睇片參考：「平時有登台，唱歌冇問題，但唱京劇真係考起，要努力捕捉啲神情動作。」