劉美君嘗檳榔 一食即嘔

唱歌、演戲、主持樣樣精的劉美君(Prudence)，早前為Now拍攝旅遊節目《一個地球》，遠赴雅蒲島及關島取景。回顧整個旅程，Prudence笑言十分清閒，皆因Now安排的工作不多。

第一次揸飛機

而她最難忘的，是首次嘗揸飛機滋味，她說：「嗰架係小型飛機，我揸咗五分鐘度，好好玩，一啲都無緊張，因為機師全程喺我側邊。」問到Prudence小時曾否想過當機師或空姐，她耍手擰頭笑謂：「空姐等於空中侍應，機師太辛苦。」

放大圖片	首次踏足雅蒲島的Prudence，笑言給她的感覺很新鮮。	劉美君與主持人陳子豐遠赴雅蒲島及關島拍攝旅遊節目。

另外，Prudence還到了之前聞所未聞的雅蒲島拍攝，她笑言當地給她的感覺很新鮮，除了整個島只有一所醫院、一間郵局及一間警局外，還因為她第一次有機會接觸土著：「佢哋好搞笑，好鍾意食檳榔嘅，一日可以食二百幾粒，食唔停嘅，食到啲牙肉都紅晒。」她笑言自己也有貪得意放了一粒在口品嘗，但結果是「嘔都嘔唔切」：「我食咗一滴汁，有啲樹葉嘅臭青味道，苦苦哋咁。」她又笑指由於是小島，消息很快傳開，整個島的人都知道她是歌手。

為攞料撞甩皮

談到單車意外經過，Prudence當時原本想踩單車四處逛為節目「攞料」，豈料中途因失平衡整個人跌在石屎地上，令右邊身及臉多處受損甩皮，鼻樑更被𠝹至皮開肉綻，十分慘情，她說：「當時我好痛呀，但因為唔想影響拍攝，同唔想大家擔心，所以死撐無事。」Prudence指身上的傷已差不多痊愈，只是臉上的疤痕仍要靠化妝遮掩。

文：影視組