陳細潔天際翱翔幾凍僵

鯊魚女陳細潔（Abbie）已連續十三年在新春期間去滑雪，今年選擇到瑞士的滑雪勝地St Moritz，她謂今年歐洲落大雪，所以特別好玩，除滑雪外，她還玩了滑翔飛機，她說：「今次係第二次玩滑翔飛機，感覺好舒服，喺半空中睇風景，好自由自在，不過就好凍，要由頭包到腳，所以我貼咗五、六個暖包喺身。我以前滑雪唔用暖包，所以凍到手指好痛，好幾次凍到要入洗手間用暖風機吹暖啲手指，今次好醒，帶咗幾十個暖包，夠我用足六日。」

陳小寶公司獲獎

Abbie又表示，玩滑翔飛機天氣最重要：「因為天氣問題改咗幾次，如果大霧或大風就唔可以玩，雖然只係玩20幾分鐘，但係一個好好嘅享受。」另外，Abbie胞姐雪肌蘭主席陳小寶，因公司早前在廣州獲選「我至愛香港十大品牌」，陳小寶感到十分開心，表示是新年的最佳禮物。

滑雪對陳細潔來說已毫無難度。	陳細潔（白衣者）玩滑翔機，直言十分享受。	貝安琪與男友（下圖）暢遊德、英，並於街頭喝酒閒逛，十分寫意。

貝安琪隊酒拍拖

另一邊廂，模特兒貝安琪（Ankie）與圈外男友則返二人家鄉德國，及到英國旅遊數天。Ankie此行專誠出席未來老爺的生日宴會，更首次見家長，她表示：「佢爸爸七十歲大壽，我喺出發之前已經做好晒資料搜集，知道佢好鍾意食朱古力，所以買咗盒好大嘅朱古力畀佢！」兩人除了暢遊各地旅遊景點，還把對方介紹給自己的朋友，由於二人都會說德語，溝通可謂毫無難度，輕鬆打成一片。Ankie表示與男友同是好酒之人，笑言最享受邊喝着暖笠笠的香料酒、邊逛街拍拖的時刻。

文：名人組