呂晶晶人仔難賺 病足2個月
呂晶晶、黃嘉樂拍畢大陸劇《媽祖》返港，劇中雖然二人都是第二男、女主角，不過酬勞已高達六位數字，此劇更於今年在中央台播放，二人正等成果之際，投資方非常欣賞二人，再度傾談合作，三月為他們開拍另一劇集，劇中二人將擔綱男、女主角，酬勞更急升至七位數字，相當可觀。晶晶對此謂︰「之前拍《媽祖》成日要出海，拍咁耐病咁耐，又唔敢喺嗰度睇醫生，食足兩個月成藥，好在都頂得住。」
拍無綫劇冇得瞓
而嘉樂與無綫的合約十二月已完結，不過之前因身在大陸，一直沒時間傾約，問現時在內地身價急升，會否不簽無綫時，他坦言︰「都掙扎緊，依家有兩部大陸劇已傾好，仲有四部傾談中，自己都想把握機會，希望出年買到層樓。」嘉樂又表示雖然大陸拍劇環境會較差，但相比之下，無綫拍劇更吃力，他謂︰「起碼依家會有覺瞓先，喺TVB拍劇真係冇得瞓。」
此外，說到之後他們都在大陸拍劇，豈不是沒機會找另一半時，晶晶笑言︰「有錢搵就得，女人都要有自己事業。」而嘉樂表示會努力工作，望成為「筍盤」。
採訪︰影視組
髮型︰Jacky Au@hair corner
化妝︰Chris