許家傑舞專業 定欣電力失靈
前香港先生冠軍許家傑（Jack）最令人印象深刻的，莫過於他高超的拉丁舞技術。日前他夥拍胡定欣擔任晚宴表演嘉賓，Jack大讚對方有魅力兼電力十足，但笑言自己夠專業，未有被對方電暈。
擁有迷人酒窩的Jack向來熱衷跳舞，於09年《香港先生選舉》表演拉丁舞而嶄露頭角，令人留下深刻印象。早前他獲某公司邀請，夥拍胡定欣擔任晚宴嘉賓。Jack對定欣讚口不絕：「呢次係我哋有史以嚟第一次夾跳舞，so far佢係我見過跳得最好嘅女Artist之一。」
成日大頭蝦
不過大頭蝦的Jack笑指自己頭兩次練習時忘記帶舞鞋，害得自己要赤腳練舞。問到與定欣跳舞時有否過電？他笑說：「定欣雖然好有魅力，電力十足，但跳舞時我會專心演出，唔諗其他嘢。況且我定力夠，都會把持得住，所以唔會出事。」
誤學拉丁舞
雖然Jack是拉丁舞高手，但最初學舞原來是擺烏龍，他說：「以前要上體育堂揀咗舞蹈班，一聽舞蹈班以為係教hip hop或者jazz，點知係拉丁舞，聽到都灰咗！但後來發現，學拉丁舞係好有挑戰性，因為好講求兩個人嘅合作。」
文：專案組
髮型：Deial@HAiR