吳千語搓湯圓求桃花
新人吳千語天生擁有美人胚子，是不少宅男心目中的女神！可惜女神擇偶眼光相當另類，直言恨拍拖的她，竟大讚杜汶澤「好靚仔」，並希望將來男伴像阿澤；在娛圈闖蕩多年終獲知音，對阿澤來說絕對是龍年首樁好事！
黃百鳴旗下新星吳千語（Karena）剛踏入十八歲，自言求學時經歷過初戀後，並沒有再戀愛。隨着中國情人節元宵佳節來臨，她親自下廚炮製湯圓「應節」，希望龍年能行桃花運，她說：「元宵係中國情人節，但我以前唔係咁清楚，過往我只知有西方情人節2月14日。」
剛完成賀歲片《八星抱喜》的千語，被問到現實生活中會視甄子丹還是古天樂為理想男友的類型時，她竟表示：「我會揀杜汶澤，因為戲入面佢係一個好細心、好浪漫嘅男仔，會為咗一個鍾意嘅女仔不惜一切，花時間、精神、心思去追求，依家好少男仔做到呢一方面，女仔會好受落。」及後她還語出驚人地大讚阿澤好靚仔：「佢戲入面好靚仔，好藝術家。」相信阿澤看到這個訪問後，必定開心到彈起。
恨愛得轟烈
自言單身的她，希望能發生一段轟烈的愛情，她說：「如果可以好似喺電影入面一對男、女主角喺大雨中嗌交，都會係一個好好嘅經驗。」踏入娛樂圈後的她，坦言現在沒有時間兼顧到愛情，她表示：「唔好話拍拖，連自己嘅朋友都少咗見面，因為拍完電影又要四出到內地宣傳，連同朋友食飯時間都無，有時間都要顧家人，依家有時間都要增值自己做準備。」
文：影視組
髮型：Aki @ Hair Culture
化妝：Jan @ Annie G. Chan Makeup
服飾：Cheap Monday
場地：糖百府PINK LABEL@大坑