許亦妮冇仔陪篤機解悶
港姐近來齊齊愛上乘港鐵，繼朱晨麗和港男李晉強譜港鐵情緣後，同屆的許亦妮同人唔同命，不時單拖乘車，沒有男友人「hea」住的她惟有靠玩手機解悶。
應屆港姐戀情各有各精彩，聲稱有男友的朱晨麗，早前大年初三與應屆港男李晉強乘港鐵拍拖斷正，至於季軍的許亦妮由參選開始已陸續被爆多戀事，早前更被揭約會已婚男，兩位港姐感情發展各異，但卻被發現同樣喜愛搭港鐵出入。
一袋二袋狼狽
日前許亦妮於電視城工作完後，獨自一人離開，膊上又手袋又環保袋，似是將開工用品全部孭了上身，雖然造型相當之狼狽，但仍然堅持慳家搭港鐵，見她對站內環境相當熟悉，邊玩電話邊入閘亦毫無難度，入到車廂坐在座位上，雖然同樣是坐港鐵，但沒有朱晨麗般有李晉強在身邊溫馨地「hea」住嚟坐，許亦妮惟有自己一個玩電話解悶。
高貴打扮逼車
至於另一日set好靚髮，穿上高跟鞋，一身高貴打扮露索腿的許亦妮又選擇以港鐵代步，今次再是一袋二袋，全程以電話解悶，及至回到電視城會合外景同事後，再登上公司車出外拍攝，同樣是乘搭港鐵，的確有人甜蜜溫馨，有人就一支公悶爆。
文、攝：追蹤組