吳卓羲被母親催買樓

吳卓羲（Ron）、鍾嘉欣對劇集《缺宅男女》相當有信心，Ron表示這個劇本是他拍劇十多年來最喜歡的頭二、三位，雖然劇中「彈出」的是飾演二嫂的黃智雯，嘉欣亦坦言不擔心被對方搶鏡，更讚對方可塑性高。
吳卓羲與鍾嘉欣對劇集《缺宅男女》十分有信心。
吳卓羲與鍾嘉欣對劇集《缺宅男女》十分有信心。

Ron表示小時候曾住公屋，四百多呎一家人住，他謂：「我細個係瞓廳，不過嗰陣生活好開心，成日喺走廊踢波、打乒乓球，冇話依家啲小朋友咁買遊戲機咁奢侈。」記者笑指以為他屋企有錢時，他即緊張謂：「梗係唔係，係咪認錯人呀！（係林峯？）佢就全部玩模型。」

Ron指母親最希望他能及早置業，不想他租樓， Ron又謂：「最好係同阿媽住，放工返去有湯飲、有早餐、愛心飯盒食，有段時間阿媽要幫家姐湊女，我不知幾空虛，依靠工人，成日食即食麵，（娶個老婆囉！）我都未到適婚年齡，要買層樓、賺夠錢先。」