阿Sa甜蜜五天唔夠喉
Twins、泳兒等前晚為《勁歌金曲》錄影，蔡卓妍（阿Sa）與男友陳偉霆及友人到蘇梅過了個甜蜜春節，不過只去五天她坦言「唔夠喉」：「日日都去浮潛曬太陽，仲攰過返工。」於享受陽光與海灘的同時，阿Sa怕曬黑，每十分鐘就搽一次防曬！而鍾欣桐（阿嬌）則去了凍冰冰的加拿大探導演劉鎮偉。
有指二人好友容祖兒坐擁不少物業而背上「巨債」，對此阿Sa說：「香港人個個都供樓o架啦，證明佢有能力，佢有咁大個頭咪可以戴咁大頂帽囉。（你有幾億樓債？）我個頭冇咁大，呢啲要問阿媽先知。」阿嬌即時「落閘」說對數字冇概念。