張學潤成功之道抵得諗
形象指導張學潤（Nelson）早前接受網站訪問時，品評跟他生得餅印一樣的𡃁模Cammi，指對方化妝太濃：「見佢戴大眼仔，大到唔似正常人，太誇張，太恐怖，靚要靚得真實先得。其實佢真人唔係我之前睇相咁差，手腳比例都幾靚。」
另外，談到在時裝界屹立23年的成功之道，Nelson自認幸運，以及全靠不怕蝕底的個性，他說：「一份工可以捱咁耐要真係有興趣先得，我細個已經好貪靚，而且要唔怕蝕底，我無論有錢無錢都做，從中學到好多嘢，可能我個人抵得諗，所以好多朋友都好錫我，喺呢行人緣好重要。」Nelson坦言很多人以為做形象指導很開心，但有苦自己知：「你試下一日行九個鐘，一個人拎住幾十袋嘢！」