朱希敏抗拒一腳踏兩船
應屆港姐季軍許亦妮及亞軍朱希敏昨日出席無綫新春團拜活動，對於朱晨麗撻着港男李晉強，許亦妮說：「唔係啩？我都冇聽聞，覺得佢哋只係朋友！」而朱希敏亦表示不知道二人是否拍拖：「就算拍拖都冇乜大不了，平時工作成日見，加上同公司，拍拖都好正常！（襯唔襯？）其實私底下好多人都話李晉強同許亦妮襯啲！」對於朱晨麗劈腿，她說：「唔知佢同老外男友感情點，但我唔贊成一腳踏兩船！」
至於落選港男黃建東則踢爆好友李晉強最近經常「唔蒲頭」，他說：「尋日（前日）約佢做Gym又話唔得閒，我都有笑佢呀，叫佢帶埋朱晨麗嚟！」他又大讚二人襯到絕：「港姐加港男，仲要同屆，如果係真都會祝福。」