祥嫂逼祥哥戒賭攬住跳樓

祥嫂昨日在愛女鄧小艾陪伴下，接受車淑梅的電台節目《舊日的足跡》訪問，大談當年的祥哥逸事，原來多年來她內心最快慰是能夠幫祥哥戒賭，成功全因她曾拉着祥哥要他一齊跳樓，祥嫂說：「當時我哋住永祥大廈十三樓，我等啲工人收工，兒女瞓晒，同祥哥講佢唔戒賭，我就拉佢跳樓大解決，仲做埋新聞人物，祥哥死拉住張床唔放，仲叫我阿媽過嚟救佢，佢話監人食就有，邊度有監人死o架。」

否認有許可證

另外，提到因祥哥有食鴉片的特別嗜好，多年來一直有傳當他百年歸老後，其骨將捐出作學術研究？祥嫂表示都有聽過這個傳言，當時都有為傳聞去問過祥哥，祥哥已作否認。講到祥哥吸食鴉片有特別許可證？祥嫂說：「冇嘅，我係佢妻室，我清楚係冇咩牌嘅。」

紀念館籌劃中

至於有指永祥大廈重建一事？祥嫂指相信東華會明白事理，她謂：「當年係用我名下捐畀東華，但捐贈者未死，兒女仲住喺度，希望通融畀兒女一個方便，有個安居之室，要佢哋流離失所嘅話，我祥嫂一定同你搞落去，我要維護祥哥嘅後人，我冇乜要求，只係畀啲時間我兒女做個方便。」而一直有意興建祥哥紀念館的祥嫂表示正籌劃當中。

文：音樂組