李晉強死撐太忙拒拍拖

港姐朱晨麗及港男李晉強日前被本報獨家拍到在港鐵拍拖，地下情斷正，被揭發暗撻3個月，但隨時遭TVB棒打鴛鴦。昨日李晉強接受電話訪問時仍死撐冇拍拖，表示跟朱晨麗只是好友關係，但亦不忘大讚對方：「佢人好好，我哋幾傾得埋，成日喺電視城撞到，不過我讀緊訓練班，又想搞生意，好忙，唔想拍拖住。（影到你挨住佢？）我坐得Hea啫！係角度問題。」問到是否遭TVB施壓？他作出否認，但言談間處處維護女方：「係戥佢慘，知佢壓力大，驚影響佢形象！」