譚耀文：唔可以夾硬嚟
經常往返內地公幹的譚耀文，直認曾遇過類似江若琳的經歷：「個司機想車埋老婆同個BB女，不過佢相當有禮貌，況且架車多吉位，我唔介意。」阿譚明白春運期間，司機想顧及家人的交通問題，亦無可厚非，但今次關乎個人操守問題，他亦看不過眼說：「有啲嘢真係唔可以夾硬嚟，坐滿晒又點載埋家人呢？如果要追究嘅話，除咗個司機外，劇組嘅製片主任亦要負上責任，因為司機歸佢管嘅。」
今次江若琳的行車路線，等同當年胡歌發生交通意外的路線，令阿譚擔心她的人身安全：「嗰段路真係要小心啲。我好有興趣知道個司機嘅身份，咁夠膽連寰宇（江若琳經理人公司）都唔畀面？」