DaDa狂食糕點過「肥年」
踏入初七人日，陳靜（DaDa）大筆一揮祝讀者大吉大利，DaDa透露龍年伊始，已收到不少好消息，今年有很多機會大展拳腳，近日更狂食糕點，名副其實過「肥年」。
「百果園E神」陳靜（DaDa）換上大露背性感賀年裝，真空上陣拿起毛筆甚有姿勢地大筆一揮，寫下「大吉」兩字，久未執筆的她邊寫邊笑，並說：「哇！雖然讀書學過寫毛筆字，但真係唔叻囉，最怕寫錯字，新年流流畀人笑就唔好啦，總之我祝大家大吉大利，事事順利啦！」
DaDa直言踏入龍年只有數天，已收到公司不少好消息，相信今年會有很多發展機會，她說：「公司話畀我知電影、唱歌同出書方面都有新機會，相士話我仲有機會衝出香港添，我梗係希望全部都成真啦！」DaDa坦言工作接踵而至之際，自己最希望身體健康，有足夠的體力才能完成每一項任務。
一星期肥幾磅
去年忙足一年，難得新年有個短假期，令她可以和家人好好相聚，DaDa說：「今年過年真係好開心，屋企整咗好多糕點，我日日留喺屋企就不停食，唔夠一個星期已經肥咗幾磅，今次想唔過『肥年』都唔得，我諗食多兩日幫媽咪食晒啲糕點，真係要快啲開始減肥先得。」
文：追蹤組