鍾嘉欣獲撐喊包有后福

苗僑偉、謝天華、鍾嘉欣、吳卓羲等主演的《缺宅男女》口碑不俗，前幾晚播到劇中飾演樂樂的鍾嘉欣與飾演富商高宏瞻的謝天華發生關係後，令她與男友吳卓羲分手，結婚不成，二人的催淚演出打動觀眾的心，而前晚苗僑偉（三哥）摑細妹嘉欣、打天華大喊對方「×街」的一幕更引起甚大回響。

「爆粗」惹回響

不過「×街」此粗言出街令觀眾有不少反應，記者致電天華，他笑言不介意新年流流被人鬧，更笑謂：「都係一個慰問啫！」而監製張乾文則表示之前不少劇都有這個「粗言」出街，無綫有專責部門審查對白，若有問題都會提出，故應該沒問題。

三哥大罵天華一場戲過激的對白引起回響。	無綫新正頭播慘情戲惹觀眾投訴。	鍾嘉欣喊到七情上面，獲觀眾撐她可升呢視后。（電視畫面）

鍾嘉欣之前於《點解阿Sir係阿Sir》一「喊」驚人，前晚她於劇中繼續以淚搶收視，農曆新年大時大節哭哭啼啼，有讀者電郵本報投訴，不過鬧中有讚，指嘉欣喊戲再進一步，有讀者戥嘉欣之前「Miss Koo」一角於台慶頒獎禮連最喜愛角色都攞不到不值，力撐她今年憑《缺宅男女》樂樂一角奪視后獎項。

結局更悲情

嘉欣昨日於電話中謂：「獎項呢啲咁長遠嘅嘢唔敢講，好多謝觀眾支持，（喊得辛苦?）拍時情緒都好波動，真係喊到眼都腫，（新年唔應該播喊得咁慘嘅戲！）希望大家唔好着眼喊位，我哋都想帶出好訊息，一家人齊齊整整最重要。」此外，劇中嘉欣與天華有了關係，令卓羲痛心分手，據知結局更悲情，卓羲雖然原諒嘉欣，但嘉欣覺得不能原諒自己，故拒絕與對方復合！

文：影視組