迴避瓊俞巴黎煙韌 君如爭認十指扣女

昨晚天馬電影公司在君悅酒店舉行春茗，老闆黃百鳴筵開30圍廣邀台前幕後慶祝，吳君如、甄子丹、陳慧琳，古天樂、熊黛林、杜汶澤、林峯、鄧麗欣、汪詩詩、鄭少秋及吳千語等均盛裝出席，場面熱鬧！

談嘉欣滔滔不絕

一身鮮紅色打扮的君如，被問到前緋聞密友俞琤與何超瓊煙韌遊巴黎，她即三緘其口：「我真係冇睇，唔回應喇！最緊要大家開開心心！唔好講人哋啲嘢。（佢哋十指緊扣？）我都成日咁做，同個女呀！總之大家開心啦！」但一提到好友李嘉欣疑似有喜，君如即暢所欲言，表示前日跟嘉欣聚會時，對方仍身穿緊身褲健步如飛，不似有孕：「我哋圍埋有講生仔經，佢又周圍玩人哋嘅BB，但完全唔覺佢有咗，可能佢唔方便講住，不過個樣又唔似！」問她會否追龍B？君如暗示機會不大，並表示尚有兩部片約，到下半年才有空：「人哋一日等於我十日，我機器唔得喇！中醫話機會得5%，建議我休息半年唔做嘢歎吓，但佢話驚咁講會畀觀眾打。」而嘉欣昨日亦在微博回應有B傳聞：「的確太敏感。」

吳君如、俞琤（資料圖片）	君如昨晚被問及前密友俞琤與何超瓊緋聞時，表現避忌，不欲多談。	黃百鳴（左起）、吳君如及霍震霆同場相見，已有子女的三人未知會否交換利是？

黃百鳴續鬥志偉

黃百鳴開心表示賀歲片《八星抱喜》在內地及星馬反應甚佳：「內地有7千萬，過億冇問題，亦都回咗本！」但香港票房卻再敗給曾志偉的新片，黃百鳴戥對方開心之餘，笑言《八》片口碑好，相信仲有得鬥！他透露新一年計劃開拍逾三套電影，除了《忠烈楊家將》外，原想撮合舊情人楊千嬅及鄭中基合作四月開拍的新片，但因千嬅有喜要易角。

林峯（左圖）及古天樂不約而同以型男打扮現身春茗，古仔更以超短髮示人。	紅人甄子丹派利是，當然吸引大家齊聲恭喜發財。	熊黛林以deep V豹紋裙示人，散發野性性感。

同場的霍震霆被問到何時做老爺即笑晒口，至於準新抱郭晶晶有否向他拜年？他說：「問番適當嘅人啦！我啱啱喺歐洲返嚟！（佢哋買晒戒指？）你哋仲清楚過我啦。」

文：影視組