譚耀文左右逢源王維基密斟

資深演員譚耀文（阿譚）近年往內地發展得到不少演出機會，去年更憑古裝劇集《后宮》在內地成功彈起，吸引製作公司向他大灑銀彈，出動二千萬包薪兩年，事業再攀高峰的阿譚日前回港過新年，一身便服打扮，戴上頸巾禦寒的他獨自出現在銅鑼灣。

阿譚步入影碟舖，見他專攻卡通片，挑完一套又一套，去年事業上大豐收，卻少了時間陪伴子女，令他不時向外吐苦水，直言未能陪伴仔女成長很有內疚感，難怪一有時間阿譚馬上回港，同時更大手搜購禮物氹子女。

譚耀文於內地拍劇賺到盆滿缽滿，買影碟氹子女。

成功爆紅的譚耀文，成為香港電視界搶手貨。

恨返港拍戲

買完碟後阿譚急急腳走到附近的酒店，與兩男兩女友人在咖啡店相會，五人傾得興高采烈，阿譚不時指手畫腳，狀甚興奮。據知，自從阿譚彈起後，香港各電視台亦對他虎視眈眈，除了娘家無綫，當日相約他的正是王維基公司員工。

記者致電阿譚，問到是否有意和無綫對家合作，他說：「依家有好多嘢都仲傾緊，細節都未定！（有冇機會同TVB再合作？）有就梗係開心啦，始終以前都合作過，我都好恨返香港拍戲，可以近啲屋企嘛。」

文：追蹤組