姚樂怡嫁圍村男友盡快生
藝人姚樂怡與男友吳俊匡（Alan）宣布婚訊，定於今年四月廿六日在香港Ritz Carlton酒店筵開三十五至四十席大宴親朋。前晚二人在酒吧拍攝婚紗照，穿上白色性感婚紗、戴上求婚戒指的姚樂怡一副幸福樣子，接受男友親吻。早前被指疑似有喜，前晚她只承認「肥咗」，並說：「男友嘅阿爺睇到新聞，話『係就好嘞』。我就鍾意生女，男友係圍村人，希望盡快生。」她笑言婚禮被好友文頌嫻搶頭啖湯，她說：「我計劃先嫁，不過我哋啲姊妹團成員差唔多，我有佘詩曼、張文慈、梁靖琪和關寶慧做姊妹。」
姚樂怡又憶述男友在遠赴日本探班兼求婚的過程，她說：「佢到日本放低部iPad叫我睇片，片段中佢喺街上剪輯成『I LOVE YOU，WILL U MARRY ME』字樣的片段，好感動。不過佢求婚時好蝦碌，匿埋又被我發現。」