周家蔚起革命啪丸製龍B

婚期因工作一改再改的洪天明與周家蔚，最終落實在3月21日（「321」）這個易記好日子在W酒店進行婚禮，由於新老爺洪金寶與一對新人也朋友多多，故婚禮安排兩部分進行，「321」筵開二十多席，主要宴請兩家親戚及進行簽紙結婚儀式，隨後婚禮的第二部分則以派對形式招呼朋友，齊齊玩個痛快。

香港澳洲取景

天明為擔起頭家，近期一直忙在大陸搵銀，前日年初四由大陸返港甫落機即展開一連七日「大陣仗」的婚紗拍攝之旅，先後到香港及澳洲取景。周家蔚受訪時透露共準備了十多套婚紗及晚裝靚衫拍攝婚紗相，到婚禮當日她會穿起特別訂造的白色皮婚紗行禮，她說：「當年選港姐着過一套半皮嘅婚紗，當時諗第日結婚一定要着一套皮嘅婚紗，覺得皮革好有型，所以今次專登搵人度身訂造。」

婚禮花七位數

問到家蔚拍攝婚紗相的情況？她說：「影婚紗相反而冇之前拍廣告咁緊張，瞓得好好冇失眠，狀態好好。天明一落機就即刻去影相，但係都好精神，除咗氹我笑仲令到現場嘅氣氛好好。」家蔚表示今次婚禮估計花費七位數字，已想盡方法慳家。今年特多「星級龍B」排隊等出世，問家蔚會否趕製龍B？她笑說：「依家都食緊維他命丸調理好身體，大家都ready好，都趕得切嘅。」

採訪：影視組