鋒芝一家四口齊整度歲

自上月鋒芝與風水師Mike的合照被本報獨家報道後，兩人復合傳得火熱。雖然霆鋒曾否認傳聞，但據知為了Lucas及Quintus，鋒芝私下關係十分融洽，連日來更一齊陪伴兩兒齊整過新年。

心情靚晒勝利手勢

曾公開表示會陪伴兒子過新年的霆鋒，連日來均有到陽明山莊。栢芝亦為了留港陪仔度歲，專誠向經理人公司請了十多天假期，年廿八開始便專心留港湊仔，直到下月三日才復工。

鋒芝連日來與Lucas及Quintus一齊過年。（資料圖片）

霆鋒連日來均有到陽明山莊探仔。

前日已探望一對寶貝仔的霆鋒，昨晚六時許又現身陽明山莊，逗留半小時才離開。霆鋒離開時，記者即上前祝賀，他心情大靚笑謂：「大家咁話，恭喜發財！」之後霆鋒返回金鐘住所，換上皮褸再往油麻地龍皇酒樓，見鏡頭即舉起V字勝利手勢，然後便與公司旗下員工吃開年飯。

雖然栢芝未見現身，但她昨午在Viddy上載Lucas對着意大利粉大叫Yummy（好味）的短片，足見她對兒子寸步不離。據知，栢芝原本申請二、三月放假湊仔，但因工作太多，故二月初便要開工，為電影《危險關係》埋尾。

《河2》可能延期上映

另有消息指，原定二月十四日情人節上映的電影《河東獅吼2》，因內地對涉及歷史的電影審批特別嚴謹，故有機會延期上映。栢芝經理人余毓興承認由於審批後電影需要調整，故未能確定能否如期上映。

文：影視組　

攝：追蹤組