周麗淇桃花處處唔使愁
周麗淇（Niki）日前偕同無綫藝員陳國峰及陳志健，為新劇《女警愛作戰》拍攝一場電單車爆破戲份。場口講述三人執行警務時，與匪徒展開追逐戰，期間匪徒的電單車着火爆炸，現場火光熊熊。
Niki表示TVB已買重保險，她說：「始終有啲驚，因為爆炸戲唔同普通煙火，但我信得過劇組，試晒位先拍。」Niki今次與不少女藝員合作，但就甚少爆出是非，她笑稱：「今次群戲雖然多，但其實我除咗緋聞外，唔係好多是非。」
Niki又謂新年難得放幾天假充電，但就沒有買桃花應節，她說：「現實生活有（桃花）就得啦，我講嘅係人緣。」