鄭融啃拜神橙 博火洩憤
歌手鄭融於大年初二與家人到尖沙咀食韓國菜，一行六人樂也融融食開年飯，但慘遭食店不禮貌、不尊重對待，將拜過神的橙切給眾人當飯後甜品，認真大吉利是，鄭融笑言名副其實「香」橙。
孝順女鄭融（Stephanie）近日與家人四出拜年，日前趁初二食開年飯，一行六人到尖沙咀歎韓國菜，卻換來一肚氣，Stephanie急不及待在微博上載一張拜過神的橙，並留言：「大年初二在餐廳收個插過香拜神嘅橙，太過分了，太沒良心。」隨即引來大批網友轉載，連舊愛劉浩龍都留言笑說：「真係恭喜發財。」
Stephanie昨日在電話中詳細講述當日不禮貌對待經過，她說：「新年諗住同屋企人開開心心咁食飯，最終搞到唔開心，當日要收20%服務費，其實係咪應該喺門口貼張紙又或者招呼我哋時講聲呢？到我哋點完餸先講。」她又透露所點的年糕泡菜拉麵，變成泡菜公仔麵，她說：「同佢講冇年糕，佢即刻煮多碗年糕出嚟。」Stephanie坦言最過分是飯後甜品：「個橙係插過香，好明顯係拜過神嘅橙，真係好過分，我阿爸仲話呢個橙真係『香』橙。」
唔再光顧
問到為何不即時投訴？Stephanie說：「我係後輩，加上父母又喺度，想等大人去處理，父母最終都冇出聲，因為想安安靜靜食餐飯。」她表示見過鬼怕黑，絕不會再光顧，她說：「都係想抒發吓當時情緒，大家實在太唔高興喇。」
文：音樂組