餅碎區文詩（Angela）昨日29歲生日，前晚包下酒店大型套房舉行派對，好姊妹鄧麗欣（Stephy）、吳雨霏（Kary）及楊愛瑾畀面到賀，獨欠被孤立的傅穎，Angela昨日在電話中說：「場地同人數有限，只係請咗好好嘅朋友。（傅穎唔係好朋友？）佢只係舊同事。（唔怕傳不和？）唔理，生日只想請好朋友，唔會因為外間點睇而去請自己唔想請嘅人。」問到為何不見Stephy男友方力申？Angela說：「冇請佢，真係人數有限，嚟得都係好朋友。」她透露外籍男友出心又出力：「之前已經送咗禮物畀我，尋日都預早到場打點，佢有畀錢埋單。」Kary亦將四人合照放上微博，並寫下：「我們又聚在一起了。」而被本報踢爆拖女友Stephy到北京過年的方力申亦在微博表示已返回佛山開工。