薛凱琪大同相伴 唔使求姻緣

Fiona跟緋聞男友方大同、周柏豪、連詩雅及樂隊Dear Jane一起到許願樹拋寶牒，Fiona祈求愛犬及父親身體健康，她說：「我隻狗十幾歲，盲咗仲有癌症，希望佢冇事。」

悶蛋掛住做音樂

Fiona的願望是「開心」兩字，看似好簡單，她說：「係好貪心嘅願望，開心即係乜都有同好啦。」跟大同有影皆雙的她繼續否認緋聞，她指感情事毋須許願，她說：「要來就來，寧願集中念力，實現嗰幾個願望。」大同強調兩人是好朋友，被形容是「悶蛋」的他新年如常工作，他說：「我有好多工作要做，做音樂一啲都唔悶。」

薛凱琪、方大同與眾師弟妹拋寶牒不忘玩樂一番。	柏豪與連詩雅同樣希望在音樂與電影方面都有更好發展。	Dear Jane三子在打機中度過新年。

柏豪新年願望是身邊所有人都身體健康，對於婆婆近年身體漸差，他說：「想畀多啲快樂佢。」婆婆心願是看到他結婚及生BB，但他相信這一兩年冇乜機會，他自爆因這兩年少亮相電視，他想過自拍VCD扮結婚騙婆婆，但最終打消念頭，他笑說：「因為婆婆好醒，唔敢玩到咁大。」

連詩雅挑戰角色

連詩雅願望今年好過舊年，去年她擔綱演出的電影《喜愛夜蒲》叫好叫座，她希望今年再有突破，嘗試不同角色演出，她說：「我想做精神分裂者，平日我情緒起伏都好大，但做藝人要識得控制，所以拍戲可以盡情發洩。」Dear Jane三子新年都會返band房打遊戲機團拜。

文：音樂組　攝：沈健程