網友發起東鐵進食 秋生寸爆帶錢受罰
昨日有網友在facebook發起，集體初五在東鐵進食，已有數萬人報名參加，雖然留言火速刪除，但已被截圖並於網上瘋傳。昨日致電黃秋生，他寸爆大講反話：「好呀！叫佢哋帶多啲錢去食呀，地鐵內食嘢要罰錢o架！不過啲人大把錢，睇啲名店排長龍就知啦！我依家有名牌手袋都唔敢攞出嚟用，費事被當外來人，都係用番香港特產紅白藍好啲！」
至於他昨日微博的留言，秋生更氣憤說：「啲人愈傳愈離譜，講到成件事係林敏驄和黃秋生搞出嚟咁，嗰啲人黐線，費事同佢哋講！」對於孔慶東事件，他繼續鬧爆：「有片睇，係人都聽到睇到佢講過乜，講過唔認先至係狗！啲網友話港人嗌佢哋『阿燦』係貶意，其實『阿燦』只係一個角色名，係一個好可愛嘅角色，港人喺外地都被『港燦』，稱呼外來人，無貶意！」