三哥轟無綫不智
繼黃日華在微博炮轟無綫「Totally Very Bad」及金牌監製李添勝控訴硬食「pk檔」後，電視城再於赤口「惹火」！苗僑偉（三哥）接受本報獨家專訪時，坦言不滿新劇《缺宅男女》被安排在農曆新年的「炮灰檔」出街，導致收視一直徘徊於26、27點，加上《缺》劇並非喜劇，內容寫實兼悲涼，極不適合在普天同慶的節日推出，他嬲爆說：「大時大節應該播啲開心啲嘅劇，我都唔明點解依家播！節目部嘅安排非常、非常不智，真係唔開心！」
問到是否遭檔期拖累收視？三哥再轟收視調查不可信：「網上同觀眾嘅反應都好好，奈何因為檔期問題搞到咁！其實我一直好懷疑個收視調查，有乜理由梁烈唯摑黃智雯嗰巴升到36點，第二日『砰』一聲跌咗10點，少咗成60萬人睇，咁啲觀眾都要追前文後理架！真係好離譜！」
場地：牛陣