丁子高學炒兩味 氹大肚千嬅
現時懷有4個多月身孕的楊千嬅，6月便做龍媽，原來自有孕起，千嬅即被老公丁子高（Real）嚴密監管飲食，不健康的食品一概免入口。身為「愛妻號」的Real，早前便向世界御廚楊貫一（一哥）登門拜訪，學炒兩味，準備炮製健康新年菜氹千嬅！
Real為千嬅和肚裏面的龍B着想，向世叔伯一哥請教廚藝，學煮兩味新年菜，分別是煎東星斑「年年有餘（魚）」和燕窩煮龍蝦「龍馬精神」，他說：「返屋企試多幾次，就煮畀老婆和媽咪食，我諗佢哋會幾感動，尤其媽咪，我從未煮過餸畀媽咪食。」一哥見他揸起鑊鏟時有板有眼，即送「like」，給他80分，十分搞笑。
Real自言在新西蘭留學多年學懂照顧自己，習慣下廚煮幾味，最耍家是炮製咖喱雞、焗雞翼和炒菜；但與千嬅結婚後，他便鮮有下廚，因千嬅已取代成為家中大廚，他說：「佢鍾意煮畀我食，先至去學煮餸，佢煮炒蟹、咖喱雞好叻，（千嬅太愛你？）我都學煮嘢食啦！」
屋企變私人賭檔
農曆新年的年初一至年初六，丁家會變身為「私人賭檔」，大開魚蝦蟹，Real笑言因家族成員眾多，每日也有30人以上到他家拜年，期間便會賭錢，但只是玩票性質，故連小朋友也可用糖果作「賭注」呢！
對於龍B的性別，Real刻意不想知道，不過BB還未出世他已希望千嬅可以再生：「以前想生仔，近排見朋友生女嗲啲、孝順啲，有人陪住成長都好啲。兩個小朋友係好，不過都要睇老婆意思，佢下半年嘅工作已經排到好密。」
文：名人組