陳煒黃大仙上香 老公稟神自報地址
人妻亞姐陳煒（Alice）將全面復出，為求事業順利及身體健康，特意為避年初一破日，提前在前日年廿九，擇吉時到黃大仙上香祈福新一年諸事暢旺。同行的還有她的丈夫顏志行。
首度參觀黃大仙的顏志行，對這所香火鼎盛的廟宇早有所聞，大讚黃大仙廟宇好靚。所謂入廟拜神，來自台灣顏志行亦有誠心祈福。不過，因為港式與台式的拜法各異，Alice笑說：「我聽到老公祈求時口中唸唸有詞，細聽下原來係講自己住喺咩地址……我哋香港人拜神唔使講呢啲，覺得幾好笑。」
預派5位數利是
今年留港度歲的Alice向來愛入廚，其自家製的賀年蘿蔔糕仍是每年朋友間的搶手貨，但今年來港度歲，未能為朋友獻「口福」，Alice只好在個人微博上提供整糕簡易三步驟，等各位可以試做。
過年後Alice將與老公到廣州放煙花，順道探望廣州的朋友。至於利是方面，她稱少不免會「大放水」：「我預咗5位數字封利是，有20、50、100三種，等大家都開心吓，反正我都復出工作，有進帳冇所謂嘅！」
文、攝：影視組
髮型：HH hair Salon@Patrick So
服裝：Dorian Ho Collection