吳卓羲拍張馨予要睇價錢
徐子珊、吳卓羲、陳豪等前晚齊集荃灣出席賀歲活動，孝順女子珊透露已提早與父母吃團年飯，新年將有兩天假期，不過由於即將為新劇《雷霆掃毒》開工，劇中有吸毒及猜枚戲份，故趁這段期間上網睇資料做功課，不懂猜枚的她，笑指平日只懂包剪揼。
一臉春風的卓羲，今日將與楊怡赴加拿大登台，他笑言下半年欲賺人民幣，問到會否介意與女友張馨予合作？他說：「要睇檔期同價錢，冇所謂。（怕唔怕粉絲唔鍾意？）都係做嘢，經理人會幫手處理。（張馨予會唔會去你度拜年？）睇報紙佢走咗。（透過報紙交流？）我係升斗市民。」
