陳嘉桓一巴開竅

陳嘉桓與師傅冼國林日前齊齊到大埔林村掟寶牒，祈求新一年順順利利，兩人更寫揮春互相祝願，Rose祝師傅生意興「龍」！冼國林則祝願愛徒不要快高長大，因現在她的高度「啱啱好」，再高的話很難找電影拍檔。

壓力大寢食難安

回望過去一年，Rose於去年十一月中，在內地經歷了馬德鐘、陳浩民無禮攬錫事件，隨着冼師傅接受兩人的公開道歉，事件總算告一段落。而Rose日前亦在事件完結後，首次接受報紙獨家專訪，談到無禮攬錫事件發生後的一個月，Rose坦言是十九年來最難捱的一個月，她說：「件事發生之後，我好唔開心，未試過情緒差得咁緊要，唔止我一個人受到壓力，連屋企人都受到外間嘅壓力，好難受，唔知喊咗幾多次，寢食難安。」

陳嘉桓與師傅冼國林到林村掟寶牒，祈求新一年順順利利。

陳嘉桓童心未泯，對風車愛不釋手。

在事件剛發生，冼國林師傅曾因嬲Rose不懂保護自己而摑了她一巴，對此Rose坦言：「其實好多謝師傅，一直以嚟都對我好好，好似我爸爸咁錫我，當時師傅摑我，嬲我無防範之心，我好明白亦知自己有唔啱，以後會學識保護自己。」

陳嘉桓將在稍後開拍的電影中擔正做女主角。

冼師傅與陳嘉桓寫揮春互祝一番。

得饒人處且饒人

問Rose原不原諒馬德鐘、陳浩民？Rose套用了師傅的話：「得饒人處且饒人，亦唔想再講，始終過咗去。（有人搵你哋再合作呢？）公司會幫我揀，睇公司安排。」

龍年剛至，展望將來，冼師傅先送陳嘉桓一封「大利是」，將開拍一部時裝電影給陳嘉桓擔正，冼師傅說：「劇本大致完成，都算係為Rose度身訂造，新一年希望佢嘅發展更好，亦希望佢明白挫折係人生一啲鍛煉嚟，只要行得正企得正，冇嘢需要怕，時間可以證明一切。」

服裝：中藝

場地：大埔林村許願廣場、大埔超級城

文：影視組 攝：秦健輝