妙芝賞識傅嘉莉扶一把

名模歐陽妙芝與著名化妝師Gary Chung開設的化妝學校Portfolio，早前邀請模特兒傅嘉莉（Kelly）拍攝新一輯宣傳照，妙芝大讚Kelly有上進心及潛質：「佢好好學，問我點樣可以行天橋行得好啲，點樣做會好啲，好主動，於是我邀請佢上我學校同佢分享模特兒心得，提點吓佢，我好欣賞佢，覺得佢好靚、好乖、好討好，只係欠際遇。」
妙芝（左）及Gary為傅嘉莉打造靚靚新娘妝。
妙芝（左）及Gary為傅嘉莉打造靚靚新娘妝。

妙芝表示因平時要照顧兩個小朋友，公司的事都交給Gary處理，她又大讚Gary有創意是一個好夥伴，例如今次的宣傳照，也是Gary一手一腳處理，她說：「今次嘅主題係『新娘妝』，Gary搞晒所有嘢先叫我帶啲配飾嚟，佢好有主見，我完全信晒佢。」

Kelly為妙芝的化妝學校拍宣傳照。
  • Kelly為妙芝的化妝學校拍宣傳照。