李思捷揸超跑招搖過年

李思捷與王浩信最近憑無綫新劇《換樂無窮》人氣急升，特別是飾演住家男人的思捷，一改福祿壽的搞笑形象，吸引不少煲劇的師奶觀眾。而王浩信的花心闊少亦深入民心，雖然在劇中二人陰差陽錯成為「襟兄弟」，互調老婆胡杏兒與李詩韻，但現實中他們老友鬼鬼，連換車都約埋一齊，一個情願花逾百萬購入紅色法拉利二手車，一個就為了大肚太太陳自瑤，以60萬買Audi A6全新房車方便車出車入。

要跟春卷學嘢

去年思捷憑福祿壽成功上位，今年又開演唱會賺個滿堂紅，最近買來二手紅色F575法拉利獎勵自己。他坦言辛苦儲多年錢才買得心頭好，視為新年禮物。至於之前駕跑車代步的浩信，為了迎接快將出世的女兒，反而選擇四門Audi A6全新房車。二人日前相約互騷這份新年禮物，並齊齊駕着新車招搖過巿，期間被不少粉絲認出，紛紛上前要求合照，兩個大男人亦有求必應，相當親民。

外表花弗的思捷形容男人通常都愛玩車、玩錶，但說到女人，他不會用「玩」來形容，並鮮有地提及另一半「春卷」王宝宝，他笑謂：「女人已經成日屈我玩，冇所謂啦！（春卷介意？）同我close嘅人會好明白，佢好犀利，佢九成朋友都係男仔，有高有矮，有肥有瘦，我喺佢身上學咗好多嘢，我都要跟佢學嘢。（你唔介意？）唔介意，靚女梗係多男性朋友。（幾時結婚？）未諗呀！好享受依家生活。」

李思捷與王浩信因拍劇而成好友，心有靈犀一齊玩車。	春卷與李思捷感情穩定，不介意對方經常有花邊新聞。（資料圖片）	陳自瑤今年將生龍女，王浩信特別換四門車方便接載。（資料圖片）

以車比喻老婆

浩信老婆陳自瑤懷有龍女，換新車當然要切合家庭需要，將過往開跑車習慣改為開四門車。浩信揚言會為女兒和老婆做柴可夫，並大讚老婆有齊跑車的靚、四門車的實際：「佢出席場合可以扮到好靚，屋企佢又打理得好好，人又細心，煮嘢好食兼冇脾氣！」

文：影視組　攝：沈建程