張慧雯做節目 難忘食蟋蟀
藝員張慧雯早前到日本拍攝旅遊節目，她在鄉郊地區品嘗了當地農民的「美食」——醃製過的蟋蟀，張慧雯更一口氣吃了十多隻蟋蟀，她指口感好似在吃爆穀。另外，張慧雯近期主持兒童節目，邊拍邊學中文。
前國際中華小姐季軍張慧雯早前到日本為無綫拍攝節目《勁食日本一》，此行她所到之處均遠離煩囂，走入日本鄉郊地區及沿海地帶感受日本人樸素一面。問到張慧雯此行是否吃了不少美食﹖她說：「基本上日日都不停咁食，但最難忘係去到鄉郊地方食一啲醃製過嘅蟋蟀，最初都有啲嚇親，但係食落係甜甜地，脆脆地，感覺好似爆穀咁，為咗拍嘢都食咗十幾隻蟋蟀，啲農民話好有營養o架。」除了吃蟋蟀外，出海拍攝時張慧雯也品嘗了海參刺身。
張慧雯今次與何傲兒拍檔到日本拍攝兩星期，人在外地一班工作人員就如屋企人一樣互相照應，她說：「由於天氣凍，有啲人都凍到病咗，何傲兒就好似護士咁定時定候提醒大家食藥，我就每日負責喺車上扮ＤＪ打碟，播啲勁歌等大家精神一振。」
深造中文
由加拿大返港發展的張慧雯日常以中文溝通沒有問題，但近期為兒童節目《狂熱中文》主持就要再深造中文，她說：「節目裏面要教小朋友中文，解釋一啲成語嘅意思、典故，今次做節目順便可以學埋中文。」另外，農曆新年張慧雯屋企也會包餃子和煮刀削麵應節。
採訪：影視組
攝影：林蔚恩
場地：Island Seafood & oyster Bar
髮型：Jackal Cher@HAiR