劉心悠演護士 醫院取經
被指因壓力爆煲心事重重現身醫院的劉心悠，事後透露在醫院愁爆全因為新戲而作實地考察，並強調精神健康良好，心悠笑謂報道出街後不少好友紛紛致電慰問，令她大感溫暖。
向來是廣告商及導演寵兒的劉心悠，早前被發現在九龍某醫院踱步，更被指是因壓力爆煲以致表現心事重重。由於當時心悠未有即時解畫，為事件增添神秘色彩。日前，記者終成功聯絡上心悠，她笑言有看相關報道，並對構成誤會大感抱歉。
朋友關心warm爆
心悠說：「嗰日因為太趕答唔到你問題，唔好意思，其實嗰日係去醫院觀察啲醫護人員嘅工作，因為嚟緊我要做護士嘛，所以牛咁眼望住人哋，並唔係發呆。雖然我呢排壓力係大咗啲，但精神狀況絕對良好，葉念琛導演成日讚我精靈添。」心悠笑言報道出街後，接獲不少朋友慰問電話，令她啼笑皆非：「佢哋個個都擔心我太大壓力，搞到我都唔好意思，多謝大家咁錫我，好溫暖。」
同Chilam玩自拍
談到新戲準備情況，心悠透露早前曾與葉念琛及男主角張智霖（Chilam）吃飯商討角色及劇情，對於兩名猛男，心悠笑言有信心合作愉快：「佢哋兩個好鍾意講嘢，好搞笑！嗰日食飯好開心，Chilam仲提議玩自拍，真係好期待同呢個團隊合作。」問到角色是否很有發揮，心悠想了想說：「都幾多突破，但暫時唔講得太多住。（幾時開工？）情人節咯！」
文：影視組