龔嘉欣糕招餵飽鄧健泓
無綫小花龔嘉欣今年大年初一會在工作中度過，幸好之後便可正式「收爐」，放心陪家人過新年，熱愛下廚的她更有意親手整足料愛心蘿蔔糕給男友鄧健泓品嘗，她直言為了健康，會少用肥膩的材料，炮製營養的蘿蔔糕！
去年可算是龔嘉欣（Katy）的豐收年，共有5套電視劇出街，年尾更憑《我的如意狼君》刁蠻女一角人氣急升，辛苦一年，終於等到農曆新年可以「收爐」抖一抖，不過她於大年初一仍要出席活動表演拉丁舞，之後才可真正放假陪家人。廚藝出眾的她打算整蘿蔔糕給親友品嘗，當然亦會留一底給男友鄧健泓，皆因男友最愛食蘿蔔糕，Katy說：「我會照傳統落足料，不過有啲比較肥膩嘅材料就會落得少啲，想整個比較健康、有營養嘅蘿蔔糕！」
準備大利是
籍貫福建的她小時候會返家鄉拜年，每次都逗到很多利是，但長大後她已甚少回鄉探親，在香港亦很少到親戚屋企逗利是，多由其嫲嫲代勞幫她逗，笑言自己大可印印腳不勞而獲。而她作為藝人，新年都會有利是傍身派給工作人員：「不過可能因為我個樣仲好細，啲人都好似唔好意思問我攞利是咁，好少會主動行埋嚟問我拎！」而她更準備了大利是給她的髮型師及化妝師，期望有個好開始，大家繼續合作愉快。
文：專案組
場地：又一城
化妝：Meegan Seak
髮型：Michael Lam＠i.hair
指甲：Crystal Jam