楊秀惠向 Ana R. 偷師
前港姐楊秀惠、陳庭欣聯同港男翟威廉、袁偉豪、名模Ana R.等昨日為時裝品牌HH,Tattoo行時裝騷。楊秀惠表示以前亦有行騷，現再踏上天橋大感興奮，她說：「之前綵排時真係好開心，以前肥啲覺得自己行騷時似小朋友，鍾意紮紮跳，依家瘦咗，似番個模特兒。（綵排有冇向其他模特兒偷師？）我已早咗嚟綵排，睇吓啲模特兒點行，行前面係Ana R.，一直有留意佢點行騷，佢行得好自然，又輕鬆。」
繼後又表示已很久沒有着很高的高跟鞋行騷，所以之前亦有練習不停着高跟鞋，行騷時已選擇一對最舒服穩陣的高跟鞋。而前港姐陳庭欣表示當選港姐時有行過大型時裝騷，當時心情十分緊張，她說：「當時行騷，個心情好驚，成日諗點解咁耐都未行完。」