胡楓紅館開騷 盼與肥肥「合唱」
胡楓（修哥）在昨日80歲牛一的大喜日子，宣布於4月3日假紅館舉行「楓修80巨星演唱會2012」，由於無綫高層樂易玲遲到1小時，令主辦單位負責人張耀榮及壽星公久候，但修哥不介意還感謝樂易玲：「時時刻刻都咁關心我。」並得她送上一吻，另又得張耀榮送贈大利是。
問修哥契仔契女如張學友、黎明及林憶蓮等可會擔任嘉賓？他說：「未知，邊個得閒咪邊個嚟囉。」他表示最想和亡友沈殿霞（肥肥）隔空合唱，他又說：「喺我70歲嗰場紅館演唱會，肥肥提議合唱《現代愛情故事》，但我開騷時，佢入咗醫院，今次希望技術上可以做到呢樣嘢，（搵鄭欣宜代替？）感覺都唔同。」