Jeana儲定銀彈等發圍
日前Chrissie帶埋兩位師妹何佩瑜（Jeana）及余曉彤（Hidy）現身廣州簽名會，並為自己即將在內地上映的驚慄片造勢，她笑言近年拍得太多驚慄片，搞到經常疑神疑鬼，Chrissie說：「拍到個人成日精神緊張，所以我決定要『停驚』一下，拍下其他片種過吓冷河先！」Hidy雖然羨慕師姐多戲拍，但直言自己怕嚇，不可拍鬼片：「反而自己身手都幾好，可以考慮吓孖住師姐同Jeana拍番套『功夫嬌娃』，齊齊打壞人！」
對於師姐開設自家內衣品牌，Jeana都希望可儲夠彈藥投資：「睇吓到時有冇客戶可以夾，因為我自己投資都唔叻，依家惟有諗定個品牌叫咩嘢名先！」
