甄詠珊和陳啟泰昨日為主持的亞視節目《撻着》錄影，今次節目較特別是女參加者可以帶埋媽媽來「睇女婿」，主持陳啟泰笑說：「今次嚟嘅媽咪睇得唔撻得！」甄詠珊坦言每次識到新男友都會帶給父母過目：「我識親男友都會帶畀爸爸、媽媽睇，研究命理嘅阿爸仲會幫我算吓跟個男仔Keep唔Keep到，（搵新男友？）阿爸算到我2014年會結婚。」
