陳志雲影印員工證留念
陳志雲前晚十時多現身機場出發赴美遊學，吸引十多名傳媒守候，無綫外事部副總監曾醒明亦特地到場打點。問到是否感到輕鬆？他笑說：「梗係！我好興奮，希望快啲睇到新嘅嘢！」第一站到美國不同機構作交流，下一步到北京及德國觀摩。離開工作了十八年的無綫，坦言捨不得又開玩笑說：「影印張員工證做紀念囉！不過又唔係無得再見，唔使講到好似生離死別咁。」
志雲好感激無綫能彈性處理他的事件，讓他能提早到外地遊學，對外界揣測他回港自己成立公司，他謂：「乜都無諗過，諗呢啲會分心（新開始？）新嘅學習開始！（去幾耐？）未定，大概三個月至半年。」