張敬軒同高層爆粗吵大鑊
張敬軒昨日舉行演唱會DVD簽唱會，吸引近二百歌迷排隊，當他獻唱《Stop The Time》的高音位時，竟然嗌爆喇叭要改為清唱。有傳軒仔和唱片公司高層黃劍濤（Duncan）「吵大鑊」？他直認：「公司個個同事都同佢有拗撬，佢個人太心急，同佢傾電話，要十五分鐘內交歌，我明白點解佢咁鍾意Kary（吳雨霏），因為佢有首歌叫《逼得太緊》，（鬧成點？）會互相問候（爆粗），有啲助語詞囉。」
軒仔卻不覺爭執會影響和Duncan之間的感情，自問工作態度懶散屬抵鬧，相信如在第二間唱片公司，早已被掟入「雪櫃」，他又言同Duncan鬧完交就冇事。