出位視覺系樂隊「金爆」Golden Bomber衝出日本，最近以疑似廣東話灌錄新歌《成龍很酷》，成員既扮成龍又全裸上陣拍MV，可惜咬字不清卻被指似在唱粗口歌！
日本出位樂隊Golden Bomber（金爆）近年由地下唱到上地面，去年上位成樂壇紅人，除組成７年來首次上音樂節目《Music Station》外，大熱作《女性化》更打入銷量榜第４位，以及成為音樂網站dwango.jp的年度Android下載歌曲，帶挈「金爆」打敗AKB48登上該網站的年度最多人下載之歌唱單位。
「金爆」今年再接再厲，在昨日上市的新專輯內再度挑戰華語，新歌《成龍很酷》就以「冇人識聽」的廣東話演繹，成員樽美酒研二為MV全裸上陣，跟化身A貨成龍的鬼龍院翔等隊友耍功夫自娛，又在廣告中大玩《殭屍先生》橋段，以行動向港產片致敬。儘管「金爆」誠意十足，但本地網友卻完全聽唔明他們的廣東話，笑指似足泰文歌及在爆粗，亦有網友大讚四子惹笑抵死，望「金爆」早日來港開騷。
文：外娛組