趙式芝雪山橫行大呼過癮
趙式芝（GiGi）早前藉着假期，與好友波爾錶太子女楊如芯到日本北海道滑雪，GiGi表示近兩年均有到北海道滑雪，今次比上一次好玩得多：「個雪山比以前少咗七成人，玩起上嚟特別過癮，好free，唔會畀人阻住。（點解咁少人？）一嚟可能因為啲人驚有輻射，二嚟日圓真係好貴，以前我哋去當地廳餐食飯，排隊排到夜晚十一點都未必食到，依家廳餐坐唔滿。」
GiGi又謂北海道今次落了四日狂風大雪，雖然對滑雪影響不大，但她在當地租了車，揸車時就要特別小心：「試過有一晚落咗1.2米嘅雪，好誇張，第日幫架車剷雪剷到手軟，同埋揸車要好小心，試過煞咗車都仲向前滑，好彩冇事。」