英格蘭球星碧咸去唔成巴黎聖日耳門搵「油資」，但亦唔愁冇財路，「萬人迷」為著名時裝品牌H&M拍攝嘅最新一輯內褲照曝光。
已經三十六歲嘅咸哥腹肌雖然冇以前咁明顯，但下體仍然激凸，雄風不減，下月有得賣，預料會吸引男性跟風搶購，碧咸代言人收費勢必水漲船高。
事實上，碧咸上年年初已提出要進軍時裝界，踢波逐漸變成副業。
另外，表面上咸哥以家庭理由拒絕轉投法甲豪門巴黎聖日耳門，但有傳其實係洛杉磯銀河加碼，希望佢留隊，據聞除咗加人工之外，仲可以獲得主場門票收入分紅，難怪佢突然轉軚。